Buhay Kong Masigla

Ang buhay ay makabuluhan

Parang isang hagdanan na maraming pagdadaanan

Sa bawat pagdadaanan may kaligayahan na makamtan

Ito ay mahahalintulad sa isang malawak na kapaligiran

Maraming nagkakagulo at minsan naman ay tawanan

Pero sa dulo ang buhay ay kay sigla.

May isang pbatang pinanganak

Tahimik at wala pang alam

Palaging naglalaro at pinagmamasdan

Laging sumusunod sa mga magulang

Minsan naman ay nag-aaral at naglalakbay

Para matuklasan kung ano talaga ang buhay.

Nang naging dalaga

Ang buhay pala ay mahalaga

Maraming tungkulin ang gagawin

At maraming gusot na aayusin

Minsan may problemang nararanasan

Ito pala ay bahagi na.

Sa kuwento naman ng pag-ibig

Ni minsan di pa naisip

Kasi meron ding pagkabatang isip

Di maiwasan magtanong sa sarili

Kung ano ba talaga ang pag-ibig?

At kung gaano ito kahalaga sa atin?

Sa pagpapatuloy sa paglalakbay

Maraming mapapansin na magagandang bagay

Napakasarap tingnan,suotin at bilhin

Bakit ba napakahirap kunin?

Ito ay napakahirap sa akin

Kaya sanhi ng pag-aawayan.

Ngayong malaki na

Di maiwasan ang pagkamatigasin

Sinusuway sila para makuha ang gusto ko

Pero mahal ko sila kahit ganito ako

Ako ay bata pa at marami pang dapat malaman

Na ang buhay ay puno rin ng sigla.

Jennifer Anne S. Gananden